Tratamentu COVID-19

Adaptasaun husi Matadalan Tratamentu husi Mayo Clinic.

Ba kolegas sira ne'ebé hakarak hatene liu konaba COVID-19 bele tuir kursu online husi OMS, iha link ida ne'e.

Maski nasaun balu adopta ona aimoruk balu nudar padraun tratament ho rezultadu satisfatóriu, to'o agora seidauk iha aimoruk antiviral ne'ebé entidades kompetentes, inklui Organizasaun Mundial Saude (OMS) rekomenda atu trata COVID-19. Pasiente sira ne'ebé halao internamentu iha izolamentu simu deit tratamentu atu alivia sintomas, ne'ebé bele inklui:

• Analjézikus  (ibuprofen ou acetaminophen)
• Xarope ou aimoruk seluk ba mear
• Hemu barak
  

Tratamentu bele halao iha uma ba kazu  sira ne'ebé lijeiru, no bele mós iha fasiliade saúde, ba kazu moderadu ho grave. Iha Timor-Leste, haré ba kazu ne'ebé akontese semana kotuk, Ministériu Saúde opta atu halao tratamentu iha rejime izolamentu kompulsóriu iha Sentra Saúde Vera Cruz, ne'ebé Governu aloka espesífikamente ba pasientes no suspeitus COVID-19. Ita hein katak kazu la aumenta hodi nune'e pasiente sira hotu halao deit tratamentu iha fasilidade saúde.

Kooperasaun no apoiu psikolojiku
Iha konsellu balu ne'ebé profesional saúde sira bele fó ba pasiente sira atu bele garante sira nia kooperasaun ho rejime tratamentu no mos ajuda sira halao períodu izolamentu ho diak.

• Evita le iha jornal ou haré  iha Televizaun notisia sira  konaba surtu COVID-19 ne'ebé hasae ita nia ansiedade no preokupasaun.
• Limita le ka haré notisia konba .COVID-19 ba dala ida ka rua kada loron.
• Buka hatene faktus no informasoes konaba COVID-19 husi fontes kredíveis hanesan departamentu CDC Estadus Unidus ho OMS.
• Kuidadu-an ho diak  -  han aihan saudável, toba ho tempu sufisiente, halo ezersisiu regular. Konsidera halao dada iis naruk no klean, ezersísiu estika -an, no meditasaun.
• Evita alkool ho droga.
• Entretein-an ho leitura, haré filme ou lao uitoan
• Kontinua halo ligasaun ho familia. Fahe itaboot nia experiensi aho sira.
• Buka atu haburas atitude pozitiva no oprimista.
• Hatudu apresiasaun ba pesoal saúde no profisional sira seluk ne'ebé fo atendimentu no kuidadu ba pasiente COVID-19 sira