COVID-19: Tansá ema infetadu ka (+ ) bele diak fali? no tansá balun bele sai grave, krítiku i mate? “Segredu rua ne’ebé presiza hatene.” Husi perspetiva Kliniku-Imunolójiku.

by: Dr.Sidonio João da Silva Pereira, MIInmo,                                                                                                 

Banco de Urgencia, Hospital Nacional de Guido Valadares


Introdusaun

Corona virus hanesan familia bo’ot husi virus sira  nebe provoka moras  sira hanesan gripe komún ka bai bain, infesaun garganta, i  tee-been. Infesaun bele akontese iha animal no  iha ita ema depende ba tipu coronavirus. Moras hirak ne’ebé provoka husi Coronavirus hanaran zoonosis katak moras ne’e  bele daet husi animal ba animal, animal ba ema,  ka husi ema ba animal.

Imajen #1. Reprezenta ezistensia tipu coronavirus  no tinan  deskobre nian.

Rezervóriu ka hela fatin husi Corona virus maka morsegu  ka niki. Virus hirak iha leten jeralmente bele provoka moras sira hanesan gripe ka mear baibain i tee-been ho intensidade lijeiru ka kaman, maibe bele mos provoka kuadru grave, krítiku  no mate iha pasiente balun. Situasaun ida ne’e naturalmente provoka husi tipu virus rua hanesan MERS-COV (Middle East Respiratory Syndrome related to coronavirus ) ho SARS-CoV 2 (Severe Acute Respiratory Syndrome related to Coronavirus 2) prinsipalmente iha ferik,  katuas i liu liu sira nebee sofre ona moras sira seluk hanesan moras vias respiratorias krónika (bronkitis, emfizema, TBC pulmaun, kankru pulmaun), Kankru seluk hanesan (kankru susun ho estadu avansadu ka terminal, kankru aten ka liver cancer, kankru intestinu grosu ka colo-rectal,  siirroze epátikaa, HIV/SIDA, insufisiensia renal, tensaun ás ne'ebé la kontrola, diabetes mellitus ne'ebé la kontrola, insufisiensia kardáaka,  ho razaun katak ezistensia moras hirak ne’e hatún ka hamenus sira nia sistema imunidade.

Iha tinan 2003 mosu tipu corona virus ida hanaran SARS-CoV iha China, iha 2012 mosu tan MERS-CoV i sira nee bele hamosu moras gripe ka infesaun vias respiratoria aas hanesan baibain, maibe komesa husi altura ne’eba sientista no mediku sira hahu alerta e atento ho serio ba pesti rua ne’e,  tamba sira hahu observa kazu Pneumonia grave (infeksaun pulmao grave) relasiona ho pesti rua iha leten. I sira afirma mos katak iha altura ne’eba ema ne’ebé risku maka’as liu atu hetan Pneuemonia grave no mate maka fundamentalmente iha pasiente idozu no hirak ne’ebé sofre nanis ona moras krónika hanesan temi iha leten. Iha parte seluk sientista sira relata ka argumenta tan katak virus hirak ne’e la hamosu kuadru grave iha labarik sira.

Iha fulan ikus tinan 2019, mosu tan virus foun ida hanaran SARS-CoV 2 ka Severe Acute Respiraory Syndrome related to Corovirus 2, responsavel ba moras COVID - 19 ( Coronavirus Disease - 19)  ne’ebé karateriza ho Sindrome Respiratoria Aguda ne’ebe grave  ho disfunsaun multi-organika i mate.

Deskonfia katak coronavirus ne’e hahu  espalla husi Merkadu  animal moris sira  iha sidade Wuhan, China, i ema hirak ne’ebé aprezenta ka hetan uluk moras ne’e tal vez hirak ne’ebe servisu  ka ba hola sasan iha merkadu refere. Hun husi virus tolu ne’e sientista sira presume katak sira ne’e mesak Zoonosis ka hahu hadaet husi animal ba ema ou kontrario ka viseversa. Maibe evidensia sientífika kuaze afirma katak SARS-CoV ho SARS-CoV2 mosu husi Niki ka nia rezervorio mak niki no Cibeta de palmas, i MERS-CoV iha Camelo ka Kuda Buru iha Oriente Medio.  Iha Sientista sira nia hipotéze  argumenta katak  virus  MERS-CoV ho SARS-CoV  ne’e nia estrutura hanesan.

Hahu husi Fevereiru 2020, SARS-CoV2 nia transmisaun fundamental hahu husi ema ba ema, no to’o Organizasaun Mundial Saúde ka OMS deklara hanesan Pandemia Covid 19.

   Imajen #2. Reprezenta kazu  husi kada rejiaun

 Dadus global mate ba COVID-19 bele asesu iha link kraik

Number of novel coronavirus (COVID-19) deaths worldwide as of April 23, 2020, by country   https://www.statista.com/statistics/1093256/novel-coronavirus-2019ncov-deaths-worldwide-by-country/  ou bele mos https://www.worldometers.info

Objetivu atu:

1.  Hatene oituan saida mak coronavirus  ka SARS-CoV-2 nebe provoca moras COVID - 19 husi perspetiva microbiolojia
2.  Koñese vias ka dalan saida mak coronavirus ka SARS-CoV 2 uza hodi tama ba organismu umanu.
3.   Komprende, oin sa SARS-CoV2 ka coronavirus bele habarak  an iha sélula  no harahun ka estraga  sélula umana
4.   Hatene, Fisiopatolojia ka mekanismu coronavirus ka SARS-CoV2  hamosu moras COVID-19 husi perspetiva virolojika no Imunolójika
5.   Koñese oituan, oin sa Sistema defeza bele rekoñese e sélula diak i  sélula infetada husi virus ka patójenu seluk.
6.    Hatene,tansá ema infetadu ho SARS-CoV2 ou COVID -19  bele diak fali no labarik sira menus risku ba infeksaun ida ne’e.
7.   Komprende, tansá ema infetadu ho SARS-CoV2 ka COVID-19 bele sai grave, kríticu e mate
8.   Hatene, tansá pasiente sira infetadu ka sofre moras COVID-19  ho idade menos husi 50 e ka joven balun bele evolui ba  kuadru krítiku i mate.
9.   Koñese, saida mak Tormenta de Citocinas ka Cytocine Storm  i  nia konsekuensia  iha moras COVID-19
10.   Komprende, oin sa evolusaun klínika husi pasiente infetadu ho moras COVID-19
11.   Koñese oituan saída mak ema infetadu ho moras  COVID-19  ida la bele halo, hodi nune’e   la  evolui ba grave no krítiku. 

Saida maka virus  SARS-CoV2  neébé provoka moras  COVID-19?

Tuir Microbiolojia hatuir katak virus SARS-Cov 2 ne’e pertense ba familia Corona viridae, husi orden  Nidovirales e Genero Torovirus,no  Artevirus.

Nidovirales, tamba argumentu sientifiku fundamenta katak, wainhira virus ne’e tama sélula umanu iha nivel citoplasma atu replika ka habarak nia kopia, sira uza nido ka material jenétika husi sélula umana, iha kazu ida ne’e mak ARN ( Acido ribonleico). Nune’e mos hanaran corona virus tamba estrutura glicoproteina S ka Spike nebe haleo virus ne’e hanesan koroa liuri  sira nian.

Coronovirus hafahe ba jéneru haat tuir nia cadeia jenétika  maka hanesan: Alfacoronavirus, Betacoronavirus, Gamacoronovirus e Deltacoronavirus.

Corona virus iha ema, pertense ba jeneru alfa e beta, husi g jéneru alfa (α), iha especie lubuk ida ne’ebe jeralmente provoka deit sindrome gripales kmaan ka leve ou babain bolu “mear, inus ben gripe nian ka gripe baibain.”

Jeneru ida ne’ebe poderoso liu no ema tauk liu iha mundo medicina maka jeneru beta (β), entre virus sira nebe pertenese ba jenero ida ne’e maka; SARS-CoV, MERS-CoV e SARS-CoV2 nebe prodúz atual situasaun desestrosa i estresante.

Relasiona ba nia kompozisaun; cabe destaka iha ne katak corona virus sira ho “ ukuran” medio e todan naton, ida ne’e justifica  katak wainhira ema ida hetan infekasaun e nia mear ka estornudo ka kulia  sei la  propaga ka transmite ba individu seluk husi distancia metro ida to rua ( 1-2 meter)

Ida ne’e maka  razaun ne'ebe sustenta estratejia Organizasaun Mundial da Saude e Minisiterio da Saude  hodi hatuur tamba sa ita halo distansia sosial husi 1 to 2 metru hodi evita  virus ne’e nia propagasaun ba maluk seluk.

Imajen #3. Relasaun pilogenetica husi coronavirus tuir orden nidovirus.

 

Estrutura Virus. Virus ida ne rasik estruturalmente forma husi laran ba liur ho komponente  hanesan (imagen#4)

Nucleo caspide ( material genetico ARN e proteina (N)  Iha mos Glicoproteinas S (spike) ne’e serve ba virus hodi hakesi nia an ba receptor culula umana e facilita virus tama ba celula nebe nia infekta ba. Depois proteina S mos hanesan principal fatin ba Antibody hodi belit ba wainhira ita nia Sistema immune produceona antibody neutralizante espesifico hodi ataka virus ne’e. No mos sai fatin ba Celula TCD8+ citotocixo hodi ataka virus e destroe nia. Hafalun ho Capa ka membrana bilipidika, kapa ida ne'e rasik hafalun i haborus  husi  proteina M, proteina E  (emvoltura) Kuriosidade fundamental ida ne'ebe dala barak ita ema halo maibe, la hatene los tamba sa maka ita halo, ne maka. Fase liman ho sabaun ka Alcohol 70% Tamba sa ita tenki fase liman bebeik iha era COVID - 19? Ita halo nune’e tamba sabau e alcohol ne’e  rasik iha kbiit hodi forma buat ida naran Micelas iha estrutura virus nian,no desestabiliza virus nia capa ka membrana nun’e provoca nia destrusaun i  desativa nia funsaun no hamate virus refere, Hanesan mos alcohol 70% nebe ita uza lor-lorn Rezumo  parte ida ne’e  katak  Organizasaun Mundial da Saude  e Ministerio da Saude hatur estratejia fase liman bebeik ho sabaun ka alcohol tamba  sabaun e alcohol bele harahun virus nia parade ka capa (estrutura glicoproreinas no lipido ka lemak)  nun’e desativa virus nia funsionamentu e  hamate nia.

Vias hira maka SARS-CoV 2 uza hodi tama ba organismu  umanu no, tansá?          
Virus ida ne’e bele tama ba organismu umanu bele liu husi:

•   Via respitoria ne'ebe popular tebes tamba iha proteina receptora ECA- 2 nebe virus  uza hodi tama ba selula barak liu husi Pneomocitos tipo-2.

•  Via dijestiva ka fecal- oral, menus komún , tambe iha intestino, liu liu iha borde de cepillo intestinalis iha mos recepror ECA-2, maske ho kuantidade oituan.

Oin sa SARS-CoV2 ka Coronavirus bele multiplika  iha sélula no,  harahun  sélula umana?

Iha mekanismu tolu, corona virus ka  SARS-CoV, MERS-CoV e SARS-CoV 2 uza hodi tama ba sélula umana :

• Fusion ka attachment
• Replikasaun ka replication
• Sai ka exocitosis

Fusion ka attachment  ne’e processo ida nebe  coronovirus hahu habelit an ba celula umana  neomocito tipo -2 ka celula pulmaun liu husi nia glicoproteina spike ka (S) virus nia ba receptor celula pulmaun, Enzima convertidora angintensina 2 ka ECA-2 nebe abundante iha celula pulmaun, nune’e virus hahu internaliza nia an ba celula.

Replikasaun ne’e prosesu ida iha  nebe virus  uza material jenétika husi sélula umana hodi habarak nia kopia iha selula laran liu husi produsaun proteinas virales, evidensia hatudu katak kada virus bele replika an husi 10.000 to 100.000 kopia .

 Imagen #5. Hatudu oinsá virus habarak nia kopia iha sélula umana

Exocitosis, ne’e prosesu ida, iha nebe virus hafoin infekta sélula  ida (Neomocitos) no habarak nia  copias, sira sai fali ba infecta celula seluk, tanto  celula pulmao (Neomonocitos) rasik ou bele mos celula husi orgaun seluk. 

      Imagen#6.  Hatudu lalaok  tolu ne’ebé  virus uza hodi tama no sai husi sélula umana

Fisiopatolojia ka Mekanismu virus hamosu moras COVID-19), husi perspetiva Virolojika no Imunolojika

Antes haklean parte ida ne’e,  presija hare oituan fali ba kotuk fisiolojia husi Sistema Renina-Angiontensina e Aldosterona  e nia papel iha isin lolon,  tamba iha infeksaun husi Coronavirus ka SARS-CoV2 uza  ECA-2 ( Enzima Convertidora Angiotensina-2) hanesan nia receptor  prinsipal hodi internaliza nia an ba iha celula pulmaun  ka neomocitos-2.

Sistema ne’e hanesan Sistema hormonal ida ne’ebe regula tensaun arterial, volume extracelular husi isin lolon e equilibro entre sodia (Na⁺) ka masin e potassium (K⁺) iha organismo.

Renina hanesan enzima ka proteina ida nebe prodúz ka sekreta iha Rins,  husi aparelho yuctaglomerular, nia papel maka kataliza conversaun Angiontensinogeno (Glicoproteina) nebe secreta ka produz husi aten ka figado ba Angiotensina-I e depois enzima ida ne’e sofre tan conversaun ba Angiotensina –II liu husi atuasaun Enzima convertidora de angintensinogeno ka (ECA). Entre funsaun sira husi enzima ida ne’e maka provoka liberasaun Aldosterona husi corteza glandula suprarenal.

Sistema ida ne’e sei ativa, wainhira organismu lakon raan ka volume raan barak  hanesan hemorragia hodi provoca tensaun baixa, organism reconche sittuasaun ida ne’e e ativa sistema Renina-angiotensina-Aldosterona para produse angiotensina –II hodi halo vasoconstriksaun e eleva fali tensaun, nune mos momento nebe hanesan enzima ida ne’e ativa sekresaun hormona anti diuretica husi Sistema nervios central  ka system saraf pusat nune’e bele reabsorve fali be (H20)  iha nivel rins hodi ajuda eleva tensaun nebe ohin tun ne’e,  e  iha sorin seluk enzima ida ne’e estimula secresaun aldosterone husi glandula suprarenal hodi aumenta absorsaun sodio ka N^+‑  iha rins e excresaun K⁺  e hidrogeno ka H⁺ ho finalidade atu eleva fali tensaun nebe monu iha situasaun aguda hanesan hemooragia masiva.

Imagen #7.Hatudu oinsá  funsiona Sistema Renina-Angiontensina-Aldosterona

Funsaun seluk husi ECA maka hanesan prodúz fibrosis e remodelamento cardiaco  nebe sai hanesan fator xavi husi Insufciencia cardiac ka falha fuan liu husi transformasaun Angiotensina 2  ba Angiotensina  1, 7 nebe responsabiliza ba vasodiltasaun,  inibe ka impede  fibrosis e remodelamento cardiaco.

Gen nebe  nebe kodifica enzima ECA-II cuase existe liu husi 70 tecidos ka jaringan iha organismo. Agora proteina ECA – 2 ne rasik ho maior quantidade hetan iha celulas sira hanesan: Pulmaun (Neomonocitos I, II), Enterocitos ka celula intestino groso ka tea oan bot  e  Endotelio vascular ka ran uat.

Papel ECA-2  iha infeksaun husi virus SARS-CoV 2 nebe hamosu moras COVID -19.

Hanesan ema hotu hatene e cuase maoria cientista sira iha mundo concorda katak virus  Corona ka SARS-CoV2 transmite liu husi via respiratoria, wainhira ema infektado seja nia asintomatico ka sintomatico ida mear, kualia ka estornudo, kaben ka microgota kaben sira ne’e be sai husi individo infektado bele propaga ka hadaet ba ema seluk wainhira sira iha contakto menos husi metro ida ka rua.

a

Maibe kabeen infetada ne’e mos bele  belit ka daet hela ba sasan sira nebee mak ita uza ka kaer loron loron  iha (uma, loja ka servixo fatin e fatin public sira seluk ),  depois  ema  ka individu seluk kaer kona e  kose ba matan ka  ibun ou inus  bele hetan infeksaun husi virus ne’e rasik   nune’e ciclo  transmisaun ne’e kontinua ba oin nafatin.

Hafoin virus corona ka SARS-Cov2 ne’e alkanza pulmaun ka neomocitos tipo – 2, unifika nia proteina S ba iha receptor ACE-2 e hahu internaliza nia an no replica ka  habarak nia copias liu husi uza proteina ka material genetica celula umana ( neomocito -2) e  pois sai husi celula infektada ne;e e infekta tan  fali sélula sira  seluk ho forma continua .

Atu contra atake invasaun husi virus ida ne’e, organismo umano la nonok hanesan ema barak hipotesa, maibe organismo uza nia unica arma nebe iha nanis ona “ Sistema Immune” liu husi resposta inflamatoria hodi ataka virus no celula infektada ho virus e destrui no hamate sira liu husi prosesu  ida hanaran Apoptosis ka morte celular programada.  

Iha contexto ida ne’e celula defeza ka Sistema defeza hola papel fundamental atu determina paciente infektado ho coronavirus ka SARS-CoV 2 ida bele diak fali ou  evolui ba curdro grave, critico e mate.

Sélula defeza ne’ebé maka halo funsaun tanto husi Sistema immune Innato i adaptativa hasoru SARS-CoV- 2  iha COVID -19 maka:

1.  Macrofagos e Monocitos
2.  Celula Natural Killer (NK)
3.   Linfocito T citotoxico (Celula Tc)
4.   Limfocito B ( Celula B produtora de antibody)
5.  Neotrofilos

Wainhira Coronavirus ka SARS-CoV2 invade selula pulmaun ka neomocito -2, Celula defesa uza pattern recognition receptors (PRRs) hodi rekoñese  pathogen‐associated molecular patterns (PAMPs)  hanesan agresor esterno. To agora  PRRs sira nebe identificado ona  sientifikamente maka hanesan toll‐like receptor (TLR), RIG‐I‐like receptor (RLR), NOD‐like receptor (NLR), C‐type lectin‐like receptors (CLmin), e free‐molecule receptors in the cytoplasm, such as cGAS, IFI16, STING, DAI.

Iha kontestu luta hasoru SARS-CoV2 iha organismo umano, acontese prosesu biolojiku ida ne’e lao ho forma organizada, aduacudada, equilibrado e iha momento nebe oportuno husi sistema defeza tanto innato e adaptativo ho objetivo atu neutraliza cargas virais husi SARS-CoV2 e celula infektada sira liu husi harahun no hamate tuir processo apotosis ka morto celular programada.

Geralmente Sistema immune tenki cumpri principo sira hanesan, Autocontrolado e autolimitado ho finalidade atu labele hakanek fali organismo rasik  e provoka moras.

Prinsipiu Auto-kontroladu katak, hafoin Sistema immune ativa hodi luta hasoru kualker agresor tanto interno ka esterno, sira rasik autocontrola sira nia an liu husi fo sinal biologico ba malun katak STOP ka para ona halo contra atake se wainhira inimigo laiha ona.

Prinsipiu Autolimitado katak, wainhira sira produz no libera mediadores inflamatorias ka Citocinas proimflamatoria tenki limita tuir nececidades batalha nian, se principo ida ne;e falha ka la konsegue atinji maka celulas husi Sistema immune produce citocinas proimflamatoria ho kuantidade barak liu e komesa hamosu prosesu ida hanaran  Cytokine Storm Syndrome ka Sindrome tormenta de Citocinas hanesan responsavel ba hakanek no hafalha orgaun barak iha organismo umano,  e ida ne’e sai hanesan base tamba sa paciente infectado ho SARS-Cov2 ka COVID-19 bele evolui to  grave, kritiku i mate. Ba parte ida ne’e sei haklean iha segment tuir mai. Iha imagen kraik bele hare Sistema defeza tanto innato e adaptativo atua hodi combate SARS-CoV 2 no Autoregula e autolimita sira nia an ho forma organizada, adekuadu e iha momento nebe oportuno. Prinsipiu rua iha leten bele observa iha figura kraik.

Imagen #8 .  Sistema defeza Innato no Adaptativu

Nota: iha figura leten, hetan lineas ho kor rua: Mean refere ba efeitu inibitoriu ka hambat, Verde refere ba efeito ativasaun.

Sistema immune innato i adaptativu responde durante infekasaun husi Coronavirus (SARS-CoV2). A). CoV Infekta macrofagos depois macrofagos apresenta antigento husi CoV ba celula T. Processo ida ne’e provoca ativasaun celula T e nia diferencisaun, inlcui produsaun citocinas asociado ho diferente sub tipo husi celula T colaboradora  ( Th 17),  tuir mos liberasaun citocinas (mediadores inflamatotia)  masivas hodi amplifika Sistema immune nia resposta.  Produsaun continua husi mediador hirak ne’e tamba  persistencia cara virais iha organism nia efecto negativo ba iha Celula NK, e activasaun celula Tc ( CD8 T cell), Celula T CD8 produce mediadores imflamatorios nebe efectivo liu atu hamos CoV. B) Fusion ka attachment CoV ba DPP4R ( ECA-2) iha celula humana liu husi Proteina S (Spike) nune CoV internaliza nia an  ba Genoma ka RNA iha Citoplasma.  Resposta immune ba dsRNS bele la completo durante replikasaun viral  CoV iha celula laran. TLR-3 sintetizada husi dsRNA ho  jalur ka pathway cascada sinalizasaun (ativasaun IRFs Nf-kB,  respectivamente) ne’e ativado atu produce interferon  INFs tipo –I e citocinas proimflamatorios. Produsaun INFs ne’e importante tebes atu hadia diak liu tan ka improve atu libera proteinas antivirais sira seluk hodi proteje celula sira seluk nebe la infektado. Maibe, dala ruma proteinas virais balun husi CoV bele mos intervene ho sinalizasaun TLR-3 e hamutuk ho ds RNA husi CoV durante replikasaun atu prevene ativasaun TLR-3 e ses ka evade husi resposta Sistema immune. Dala ruma mos TLR-4 recohnece  proteina S husi virus e provoka ativasaun citocinas proimflamatorio liu husi via  dependent ba jalur ka pathway  MyD88. Intersaun entre virus e celula defeza humana  provoca produsaun e liberasaun mediadores imflamatorios poderoso. Sekresaun ka produsaun husi citocinas e kemocinas nebe barak (IL-1,IL-6, IL-8, IL-21, TNF-B and MCP-1) hirak ne’e promovido iha celulas infektada sira hatan ba infeksaun CoV. Kemosinas ho citocinas sira ne’e hirak ne’e rekruta ka moviliza  limfocitos e leucocitos ba fatin infeksaun hodi reforza contra atake a virus.

Atu aklara katak,  interasaun entre virus e celula defeza umana ne’e akontese iha selula pulmaun ka Neomocitos-2 tamba, relembra katak virus ne'e rasik tama husi via respiratoria i afeita uluk mak selula pulmaun.  Macrofagos alveolar hahu ataka virus refere hodi fagocita ka tolan e  tempo hanesan ativa mos celula natural Killer,  celula Tc (CD8⁺) e aprensenta mos antigeno  husi coronavirus ba celula B produtora antibody nebe nia asaun sei tarda atu ejekuta, ho razaun ida ne;e maka Antibody espesificos ba CoV sei deteta tarde ho  proba serologia ka RAPID TEST.

Iha situasaun sira hane, iha pulmaun akontese resposta imflamatoria nebe makas no bot e provocado husu liberasaun  masivas citocinas e kemosinas nebe hatudo e esplika ona iha imagen leten, efekto fundamental husi citocinas imflamatorio hirak ne’e maka atu neutraliza carga virais iha celula umana (neomocitos  infektado), maibe provoka mos efeito colaterais maka hanesan halo vasodilatasaun nune’e  fo dalan ba infiltasaun exudativo iha alveolos e espaso interticio, konsekuencia husi ida ne’e maka alveolos sei nakonu ho liquido ka cairan riko iha proteinas e clinicamente manifesta ho mear maran, dadas is araska ka is bot , isin manas,  situasaun ida ne’e bele altera cambio ka pertukaran Oxigeno (O2)  e dioxido carbono (CO2) e  hamosu insuficiencia respiratoria aguda tipo hipoxica.   

Naturalmente kuandu sélula ida hetan infeksaun tanto viral, bacteriana, ka microbio seluk, celula sira ne’e hetan estragos husi invasaun patogenos hirak ne’e  e celula defeza trata atu controla e neutraliza patogenos hirak ne’e husi celula NK e Celula TCD8⁺ ka Citotoxico e sira seluk hodi destrui sélula infektada e hamate liu husi prosesu apoptotico ka morte selula programada.

Oinsá Sistema defeza bele rekoñese sélula diak no, sélula infetada husi virus ka patójenu seluk?

Iha contestu ida ne’e, Sélula defeza ida ne’e iha nia abilidade nebe maka orienta sira atu halo diferensia saida mak propio sira nia no saida mak laos propio husi sira liu husi Human Leococyte Antigen  System (HLA) ne;e  hanesan complexo  Gen nebe codifica proteina complexo maior de Histocompatibildade (MCH) iha ema, sistema ida ne’e iha tipo iha tipo rua; MCH-I e MCH –II.

Sélula nebe encarega atu destrui sélula infektada ho virus ka patojenu seluk maka Natural Killer ka NK  e Celula T.CD4⁺ ka “membedakan” selula diak i selula infektada liu husi  MCH-II selula T CD⁸⁺ ka citotoxico difere ka “membedakan” selula diak husi selula tumoral liu husi MCH-I

Imajen #9. hatudu papel NK, TCD4⁺ e CD8⁺ rekoñese  selula infetada  ho virus

Nune’e mos  iha sorin seluk orgaun sira iha isin lolon,  iha  mos  poder autoregenerativo ka regenera fali sira nia celula nebe hetan estragos ka mate liu husi divisaun celular iha ciclo celular tuir ida ida nia natureza katak ( Celula labil, estable ka permanente).  Iha contexto SARS–Cov2 nebe afekta e estraga no hamate neomonocitos 1 e 2 e preferentemente neomocito - 2 , endotelio alveolar comesa produce fali neomocitos foun atu troka celula nebe mate, i situasaun ida ne’e perito sira plantea katak cada vez ke endotelio alveolar produce neomocito-2 foun atu rejenera celula nebe mate, iha tempo hanesan favorece mos expresaun continua ba ECA-2 ka principal proteina receptora ba Coronavirus,  nun’e sira hipotesa  katak condisaun ida ne’e continua  favorece  virus hodi internaliza nia an ba iha celula pulmaun e  finalmente hamosu Coronavirus disease ka COVID -19, nebe carakateriza fundamentalmente ho Severe Acute Respiratory Syndrome related to Coronavirus 2. ka Pneumonia.  Kuadro clinico ida ne’e bele diak fali ka autocurado nebe acontece ba maoria paciente no bele evolui ba grave, kritiku i mate.

Tansá ema infektado ho SARS-CoV2 ou COVID -19  bele diak fali i labarik sira menus risku ba infeksaun ida ne’e?

Atu fo solusaun ba polémika ida ne’e, presiza hatene no hare fila fali fator  risku sira hanesan idade, moras kronika  ne'be asosia, estatus nutrisaun i seluk seluk tan ne'ebe maka sumeratmete temi ona iha leten. Wainhira ema infetadu ho SARS-CoV 2 ka coronavirus 2, ema balun  manifesta deit hanesan gripe bain bain deit no iha paciente balun bele evolui ba kuadru leve e moderadu ka pneumonia kaman ka leve.

Iha grupo pasiente sira hanean ne’e,  hare husi perspetiva immunolojica, sira iha Sistema immune tanto innato e adapatativo apto hodi cordena malu e atua ho forma cordenada e estruturada iha luta hasoru caraga virais (naton ka barak) e iha tempo hanesan sira mos hatene oin sa kumpri principo autocotrola ka autoregula e autolimita sira nia resposta iha termos sekresaun e liberasaun  mediadores pro inflamatorio ba iha zona afectada, neste cazo pulmaun (neomocitios-2), por tanto iha contexto ida ne’e clinikamente pasientes sira bele cruza ho condisaun rua: Asintomaticos ( laiha sintomas no sinais clinika), Sintomaticos ( iha sinais clinica hanesan isin manas, mear maran e  bele mos pneumonia maibe kaman ka leve), e  sira ne’e la presija tratamento suporte espesificos, maibe sira tenki halo karantina  e izola sira ho objetivo atu labele hadaet ka propaga ba comunidades e liu liu ba grupo vulnerable sira ba moras  COVID-19.

E perito sira plantea mos katak  virus ne’e bele afekta ou la afekta labarik sira e la evolui ba kuardo grave tamba labarik sira iha  menos expresaun proteina receptora ECA-2  iha sira nia neomocitos e parte seluk, labarik  sira nia Sistema defeza ka immune seidauk maduro ka matan didiak atu desenkadeia resposta imflamatoria execiva hanesan Tormenta de Citocinas  hodi hakanenek orgaun sira nia barak.

Tansá ema infetadu ho SARS-CoV2 ka COVID-19 bele sai grave, kritiku i mate?

Iha parte ida ne’e, kuadro Pneumonia sai grave e grave liu tan, wainhira infekasaun ne’e kona ema grupo vulneravle sira ka se paciente hirak  nebe iha mos moras cronika sira seluk  seluk hanesan, Tensaun Alta cronika, Diabetes mellitus descontrolada,  Cardiopatia ischemica ka insuficiencia cardiaka, Insuficiencia Renal Cronica ka CKD (Chronic Kidney Disease), Moras obstrutiva pulmaun cronica ka COPD ( Chronic Obstructive Pulmonar Disease) idozos sira e pacientes ho kondisaun  immunodeprimido. Perito sira hipotesa  katak alem de sira nia sistema immune debil,  grupo pacientes sira ne’e iha maior expresaun Enzima Convertidora Angiotensina – 2 hanesan receptor principal ba Coronavirus 2  iha sira nia superficie celular ka neomocito tipo - 2 e nune’e hafacil intenalizasaun virus refere hodi invade massivamente ba organismo e provoka  Severe Acute Respiratory Syndrome ka Pneomonia Grave e deskompensa sira nia moras asociadas ka patologia de baze. Husi sikun immunologico observa katak pacientes hirak iha grupo ida ne’e nia Sistema immune debil e nune’e la bele responde ho forma adekuada ba carga virais massiva nebe tama iha organismo e nune’e pacientes sire ne’e iha risko as tebes atu evolui ba cuadro critico e mate tamba sepsis, shock septico e disfunsaun multi orgaun ka falha multiorgaun.

 

 Imajen#10. Hatudu sumeramente relasaun fator risku  balun  no  nia persentazen mate.

Tansá pasiente sira infetadu ka sofre COVID-19  ho idade menos husi 50 e ka joven balun bele evolui ba  kuadru krítikú i mate?

Iha segemento ida ne’e complexo tebes public ka ema barak compriende no simu, tamba kuaze dadus estadistika, globalmente haktuir katak persentajen ema mate ba COVID-19 ne’e predomina iha ema idade avanzada no sira nebe sofre nanis ona moras cronic sira seluk, maibe sim iha mos dados balun hatudu katak joven no paciente ho idade menus husi 50 mos mate, ejemplu hanesan hatudu iha grafika kraik.

Imagen #11. Representa grupu idade mate ba COVID-19 tuir dadus husi Xina

Iha kontestu dilematiku ida ne’e, peritu ka sientista  sira buka hela oin sa atu hetan razaun hodi esplika situasaun ida ne’e ho baze sientifika, balun plantea katak tal vez iha problema genetica balun associadas iha grupo paciente ida ne’e, seluk  balun hipotesa katak  ida ne’e bele acontece liu husi desregulasaun ka descontrolo husi parte Sistema defeza e componentes Kimiko hanesan Hidrogeno (H⁺) e Oxido Nitrico (ON) nebe interven  direita hodi regula situasaun Estres Oxidativa no Inflamasaun nebe celula pulmaun ka neomocito-2 sofre durante invasaun viral.

Secresaun e liberasaun contiuna husi citocinas proimflamatorias hodi hamosu condisaun ida hanaran Tormenta de Citosinas ka Cytokine storm e particulas radikales livres produse husi estres oxidativa sira hamutuk hakanek orgaun barak   ka Multi Systemic organ failure hanesan representa iha imagen kraik. Mekanismo  ida ne’e mak possivelmente bele explika tan sa  paciente sira iha grupo ida ne’e evolui ba cuadro grave, critico  e mate.

Iha imagen kraik oin sa ilustra processo servico hamutuk entre ion Hidrogeno (H⁺)  e Oxido Nitrico (NO) hodi regula ka inibe eventro estres oxidativo e inflamasaun iha celula (neumocito-2)  wainhira hetan invasaun husi coronavirus 2 ka SARS-CoV 2 hodi evita falho multi organo.

 Imajen #12. hatudu oin sa ion Hidrogeno e Oxido Nitrico servico hamutuk suprime ka menhambat situasaun    rua hanesa Estres oxidative e imflamasaun hodi  evita falho multi orgaun iha COVID-19. Linea mean representa ativasaun processo e  linea azul representa inibisaun ha hambat prosesu.

Saida mak Tormenta de Citocinas ka Cytocine Storm ?

Ne’e resposta husi sistema immune la adekuada  “ exacerbada ka “berlebihan” ou resposta nebe ita nia sistema immune lansa e considera  potencilamente mortal nebe consiste iha retroalimnetasaun positiva entre citocinas e celula immunitarias ho produsaun citocinas imflamatorias barak liu. Causa lolos ba situasaun ida ne’e seidauk aclara lolos, maibe perito sira plantea katak bele mos provoca husi agente patogenos nebe altamente perigoso. Atu hatenten katak iha contexto ida ne’e ita nia sistema defeza lakon nia papel hodi auconotrala e autolimita nia an.

Dados cumulativo hatudo husi março  2020 hatudu  katak taxa mortaliadade ba COVID-19 iha mundo tomak mais ou menos 3.7% as liu compara ho mate ba moras influenza nebe menos husi 1% deit. Husi dados sira ne’e, hateten katak, grupo paciente grave e critico propavavelmente provoka husi Cytokine Storm Syndrome ka Sindrome tormenta de citocinas.

Iha revista ka jornal balun hanesan washinton post, afirma katak total mate iha nasaun ne;e 759 mesak idade menos husi 50, e husi hirak ne’e 230 mak mate ho idade menos husi 30, plantea mos katak posibelmente causa husi ne;e relaciona ho tormenta de citocinas ka Cytokine storm.

Presija mos puntualiza katak citocinas  sira nebe iha temi iha leten bele, mos libera iha cuadro sepsis e shoc septico, nune’e condisaun rua ne hamutuk halais  liu  pasienti ida nia evolusaun ba grave, critico i mate.

Atu hatene natureza imflamasaun diak liu tan, tenki relembra fali saida maka inflamasaun;  ne’e katak mekansimos ida nebe organismo uza hodi defende nian an representa luta celula Sistema immune iha leten e hamosu sinais cardinais lima (5): Tumor (bubu), Dor (moras), Rubor (mear) Calor (manas) e impotencia funcional (funsaun tun ou fraku ),  se isin lolon hetan agresaun ka afeksaun iha parte ruma husi isin lolon. Por tanto imagina tok, se situasaun ida ne’e acontece ba orgaun sira hotu iha isin lolon hanesan pulmaun, rins, fuan, aten, ook, kakutak, veias, arteria seluk seluk tan) liu husi desenkadenamento resposta imflamatoria Sistemika descontrolada hansesan Tormenta de citocinas nebe hamosu sindro tormenta de citocinas e nebe carateriza ho falha multiorganica e sindorme hemofagocitica ka Limfo-histocitosis hemofagocitica. Situasaun rua ne’e halais liu pasenti ida ho COVID-19 evolui ba cuadro grave, critico e mate.

Iha estudu balun nebe argumenta katak situasaun tormmenta de citocina maka tal vez sai hanesan causa fundamental ba hamate paciente sira nebe ho idade menos husi 50 nebe la ho moras asociados seluk ka laiha patologia de base maibe mate ba COVID-19.

Oinsá evolusaun klínika husi pasiente infetadu ho COVID-19?

Klinikamente bele evolui ho kuadru  haat:

• Asintomatiku ka hirak nebe hetan infeksaun, maibe la manifesta sinais no sintomas
•  Sintomatiku leve ba moderado  ka hirak nebe hetan sintomas  e sinais hanesan mear maran, isin manas, ruin ka isin moras ou sintomas  gripales comun e iha mos Pneumonia maibe leve ka ringan, e la descompensa ka la complica nia moras asociadas ka patologia de baze.
• Grave ka hirak nebe dezenvolve ona iis boot, kuadro hipoxemico e bele descompesa nia patologia de baze ( Pneomonia Grave)
• Krítiku ka hirak nebe presija terapia cuidado intensivo ho soporte ventilatorio macanico tamba Sepsis, Shok Septico, e Sindrome Disfunsanun multiorganico e risko as ba mate.

Importante tebes hatur no hatene klasifikasaun ida ne’e tamba atu guia servidor saude oin sa foti desizaun. Naturalmente grupo paciente iha clasifikasaun 1 e 2 la preseija baixa, maibe tenki izola hodi monitoriza sinais de gravidade e fundamental atu evita propagasaun continua ba ema seluk. E hirak nebe iha clasifikasaun 3 e 4 tenki baixa iha hospital nebe iha condisaun atu trata paciente ho COVID-19 tamba hirak ne’e require tratamento suportivo e ventilatorio mecanico.

Clasifikasaun tuir orgaun afectado ( nia manifestasaun clinika mos sei manifesta tuir orgaun nebe hetan estragos)

 Imajen #13. Hatudu severidade husi pasiente ho COVID-19 i nia possible altersaun laborotorial  i Terapeutico no curso evolutivo

 Saida mak  ema infetadu ho COVID-19  ida labele halo atu  labele evolui ba kuadru  grave no  krítiku?

Iha evidensia sientífiku balun hatudu katak, pasiente balun nee’ebe  hemu hela aimoruk husi grupo IECAS (Captopril, Enalapril), ARA (Losartan) e AINES ( Iboprofeno, Diclofenaco), sira ne’e iha maior tendencia evolui ba grave e monu iha estado critico.

Razaun nebe sustenta evidencia iha leten maka, grupo aimoruk IECA e ARA e AINES/NSAID sira ne’e favorece “upregultion” iha gen nebe codifica ECA-2 nune’e facilita  maior expresaun receptor ECA-2 iha superficie celular (neomonocito-2)  nun’e  halo pacientes sira infektado ho SARS-CoV2 suceptible liu ba invasaun masiva husi virus  ba organismo iha complica paciente ba estado grave e critico.

Tan ne’e   Sientista sira husi Sociedade europea la autoriza iboprofeno ka aimoruk husi grupo Anti Iinflamatorio Não Esteroideo (AINES/NSAID)  hodi trata simtomas ka sinais husi COVID -19 iha ema sira nebe desconfia  ou konfirmadu ba COVID-19

Nune’e mos  iha estudo balun publica recentemente, plantea katak, se paciente hirak nebe hemu hela dadaun aimoruk husi grupo IECA e ARA ba sira nia moras hanesan tensaun as, Insuficiencia cardiaca, cardiopatia izchemica, la presiza suspende sira nia tratamento, se wainhira hetan ka infekta ho SARS-CoV2 ho razaun katak se suspende ka hasai aimoruk sira husi sira nia regime tratamento ba moras asosiadu  hanesan temi iha leten, maka kontribui atu sira descompenza lalais sira nia patolojia de baze  i monu lalais ba estado grave, kritiku i bele mate.

“ Laos ema hotu tenki mate, laos ferik – katuas deit maka mate, laos ema hotu tenki hetan infesaun husi virus ida ne’e. maibe mate ka lae, hetan infesaun ka lae, depende ba ema nia sistema imunidade  i  depende mos ba disiplina hodi kumpri regulamentu sanitario publiku”

 Referensia

1.       https://en.wikipedia.org/wiki/Coronavirus
2. https://www.researchgate.net/publication/340099335_Potential_Pathogenesis_of_Multiple_Organ_Injury_in_COVID-19
3. https://www.who.int/docs/default-source/coronaviruse/situation-reports/20200420-sitrep-91-covid-19.pdf?sfvrsn=fcf0670b_4
4. https://www.statista.com/statistics/1093256/novel-coronavirus-2019ncov-deaths-worldwide-by-country/
5. https://www.cell.com/trends/microbiology/fulltext/S0966-842X(16)30133-0
6. Wei Wang , Xiaofang Zhao , Junjie Zai  Xingguang Li et al  Cross‐species transmission of the newly identified coronavirus 2019‐nCoV
7. Stanley Perlman  and Jason Netland, Coronaviruses post-SARS: update on replication and pathogenesis
8. Botey, The renin-angiotensin-aldosterone system: its clinical utility
9. Geng Li, et al . Coronavirus infections and immune responses
10. Zhou F, Yu T, Du R, et al. Clinical course and risk factors for mortality of adult inpatients with COVID-19 in Wuhan, China: a retrospective cohort study. Lancet 2020. Published Online March https://doi.org/10.1016/S0140-6736(20)30566-3.
11. Chen N-S, Zhou M, Dong X, et al. Epidemiological and clinical characteristics of 99 cases of 2019 novel coronavirus pneumonia in Wuhan, China: a descriptive study. Lancet 2020. published online Jan 29. https://doi.org/10.1016/ S0140-6736(20)30211-7.
12. Wang D-W, Hu B, Hu C, et al. Clinical Characteristics of 138 Hospitalized Patients With 2019 Novel Coronavirus-Infected Pneumonia in Wuhan, China. JAMA 2020.published online Feb 7. https://doi.org/ 10.1001/jama.
13. Huang C., Wang Y., Li X., Ren L., Zhao J., Hu Y. Clinical features of patients infected with 2019 novel coronavirus in Wuhan, China. Lancet. 2020;395:497–506. 
14. Wei-Jie Guan, Zheng-yi Ni,Yu Hu, Nan-shan Zhong,et al. Clinical characteristic of Coronavirus in China
15. https://www.researchgate.net/publication/339913622_Dysregulation_of_immune_response_in_patients_with_COVID-19_in_Wuhan_China
16. Jean-Loius Vincent, Understandind pathways to death in patients with VOVID-19
17. Global Sepsis Alliance, the relationship between the Coronavirus diasese and sepsis
18. Effect of Angiotensin-Converting Enzyme Inhibition and Angiotensin II Receptor Blockers on Cardiac Angiotensin-Converting Enzyme 2
19. Karol E.Waston,  Patients with COVID-19 Should Continue ACE Inhibitors and ARBs: A Joint Statement from U.S. Heart Groups
20. COVID-19: Outcomes in Children & Seniors / NSAID Warning Rebuffed / U.S.–Canada https://temas.sld.cu/coronavirus/coronavirus/
21. https://elpais.com/elpais/2020/04/20/ciencia/1587379836_984471.html
22. https://www.bolsamania.com/capitalbolsa/noticias/social/tormenta-de-citocinas-en-el-coronavirus--7289764.html
23. https://www.cell.com/action/showPdf?pii=S0966-842X%2816%2930133-0
24. http://www.abyntek.com/tormenta-de-citoquinas-en-la-infeccion-por-coronavirus/
25. https://es.wikipedia.org/wiki/Tormenta_de_citocinas
26. https://es.wikipedia.org/wiki/Sistema_renina-angiotensina-aldosterona
27. https://www.theatlantic.com/health/archive/2020/04/coronavirus-immune-response/610228/
28. https://www.thelancet.com/journals/lancet/article/PIIS0140-6736(20)30628-0/fulltext
29. https://en.wikipedia.org/wiki/Cytokine_release_syndrome
30. Zhao J-J, Yuan Q, Wang H-Y, et al. Antibody responses to SARS-CoV-2 in patients of novel coronavirus disease 2019. medRxiv 2020. published online March 20.
31. Xu Z., Shi L., Wang Y., Zhang J., Huang L., Zhang C. Pathological findings of COVID-19 associated with acute respiratory distress syndrome. Lancet Respir Med. 2020 Feb 18 doi: 10.1016/S2213-2600(20)30076-X
32. https://www.forbes.com/sites/claryestes/2020/04/16/what-is-the-cytokine-storm-and-why-is-it-so-deadly-for-covid-19-patients/#144a75b460fc
33. https://www.ncbi.nlm.nih.gov/pmc/articles/PMC7161506/
34. https://www.cdc.gov/coronavirus/2019-ncov/hcp/clinical-guidance-management-patients.html
35. https://www.ncbi.nlm.nih.gov/pmc/articles/PMC7158248/
36. https://www.worldometers.info/coronavirus/coronavirus-death-rate/
37. https://link.springer.com/article/10.1007%2Fs11886-020-01292-3
38. https://www.thelancet.com/journals/lancet/article/PIIS0140-6736(20)30920-X/fulltext
39. https://www.webmd.com/lung/coronavirus-complications#1
40. https://www.thelancet.com/pdfs/journals/lancet/PIIS0140-6736(20)30558-4.pdf
41. https://www.thelancet.com/journals/lancet/article/PIIS0140-6736(20)30558-4/fulltext
42. https://www.oatext.com/a-novel-functional-beverage-for-covid-19-and-other-conditions-hypothesis-and-preliminary-data-increased%20blood%20flow%2
43. Yiangxia liu, et alAnti-hypertensive Angiotensin II receptor blockers associated to mitigation of disease severity in elderly COVID-19 patients
44. Yanan Cao, et al Comparative genetic analysis of the novel coronavirus (2019-nCoV/SARS-CoV-2) receptor ACE2 in different populations
45. Puja Metha, et al. COVID -19: Consider Cytokine Storm Sndrome and Immunosupression
46. Ricardo J Jose, Ari Manuel COVID-19: Cytokine Storm, the interplay between inflammation and coagulation
47. J.L Depenas Diaz, et al. Síndrome hemofagocítico: expresión de diversas entidades nosológicas
48. Valdim Taraban, Robbie Baldock, Coronavirus ‘cytokine storm’: this over-active immune response could be behind some fatal cases of COVID-19
49. ¿Tormenta de citóquinas? La falla inmunológica que explicaría los casos más graves de Covid-19 en pacientes jóvenes y sanos
50. Las "tormentas de citocina", fatídicas aceleraciones de los casos graves de covid-19 https://link.springer.com/article/10.1007/s00281-017-0629-x