Tratamentu Covid-19 ho Chloroquine ho Hydroxychloroquine

Literature Review
by dr. Helder Juvinal Neto da Silva, 

Implementation Research, International Master of Public Health Gadjah Mada University, 

Yogjakarta, Indonesia.

Introdusaun 

Chloroquine hanesan aimoruk ne’ebe hahu deskobre husi sientista sira iha Alemaña iha tinan 1934, normalmente Chloroquine  introdúz hanesan tratamentu ba moras Malaria.  Hydroxychloroquine hahu deskobre iha tinan 1955 pertenese mos iha grupu chloroquine, en jeral aimoruk ne’e utiliza tratamentu Malaria no mos moras seluk  hanesan Lupus, rheumatoid arthritis, no alerjia husi loron matan. (1)

Hanesan mensiona ona katak Chloroquine no Hydroxychloroquine hanesan aimoruk antiparázitu partikularmente ,  maibe iha  investigasaun balu ne’ebe hatudu rezultadu kona ba efetividade aimoruk refere kontra virus tantu in-vitru ka iha animal peskiza, iha resultadu peskiza invitru refere  katak chloroquine ho hydroxychloroquine iha potensia atu uza  hanesan tratamentu kontra  virus, partuklarmente virus Corona, peskiza sira konaba potensia aimoruk refere hahu  halao iha tinan 2003-2005 wainhira akontese surtu SARS-1 iha China.  Bazeia ba experiensia ida ne’e wainhira mosu surtu SARS-COV-2  iha sidade Wuhan,  sientífiku barak mak hahu buka hatene no introdúz  chloroquine ho hydroxychloroquine hanesan tratamentu ida  iha protokolu tratamentu  COVID-19, maibe efetividade husi aimoruk rua seidauk iha serteza, diferente rezultadu entre nasaun sira ne’ebe introdúz, tan ne’e autor hakarak halo revizaun ida atu buka hatene diferensia hirak ne’e. (2)(3)

Objetivu.

Objetivu husi artigu ne’e atu buka hatene rezultadu utilizasaun  Cloroquine ho Hydroxychloroquie  ba pasiente afeitadu husi Covid-19, tuir evidensia hirak ne’ebe asesivel iha sitiu públiku sira.

Métodu.

 Artigu ida ne’e halo revizaun ba estudu klinikal trial ne’ebe hala’o iha nasaun Brazil (Brazilian trial for drug), no revizaun mos literature MEDRxiv (pre-print article). Akumula deit artigu rua iha revizaun ida ne’e.

Konteúdu

Informasaun badak Mekanismu biological husi choloquine ho hydroxychloroquine.

Cloroquine ho hydroxycholoroquine hanesan tipu husi Aminoquinoline, potensia ba tratamentu SARS-COV-2.  Mekanismu asaun iha COVID-19  mak bainhira virus afeita ema, nia ba  direta  iha  sélula no kesi-an iha superfisia enzima ne’ebé  hanaran angiotensin-converting enzyme 2 (ACE2), hahu husi ne’e mak COVID-19 halo replikasaun iha organismo umanu.  Investigasaun sira sujere introdusaun utilizasaun aimoruk rua ne’e tamba  aimoruk refere bele interfere iha prosesu ne’ebe mensiona ona iha leten. (3)

Normalmente efeitu adversu  komún husi Chloroquine ne’e rasik mak hanesan; alerjia ba aimoruk, vontade atu han menus,sente oin halai, bele iha diarea leve , ulun moras, sente laran beik bele mos kabun laran moras. Perigu seluk husi uza chloroquine mak hanesan pasiente sira sofre; atén, problema auditiva, (hearing problem), problema matan, problema iha gastrika, problema iha rán(blood disorder), problema iha rins. Efetu adversu iha pasiente COVID-19  barak liu mak aprezenta alterasaun electrocardiograma nebe reprezenta problema Cardiaco.

Estudu rua  konaba efetividade  husi Chloroquine no Hydroxychloroquine

1. Brazil

Titulu estudu: Clinical trial (pre-print article) “Chloroquine diphosphate in two different dosages as adjunctive therapy of hospitalized patients with severe respiratory syndrome in the context of coronavirus (SARS-CoV-2) infection: Preliminary safety results of a randomized, double-blinded, phase IIb clinical trial (CloroCovid-19 Study). Mayla Gabriela Silva Borba, Fernando de Almeida Val, et al (4,2020). (4)

Objetivu estudu :  Atu halo asesmentu ba seguridade(safety) no efikasia husi  Chloroquine(CQ) iha dosajem rua hanesan terapia adjuntiva (adjunctive therapy) ba pasiente hospitalizadu tamba SARS-COV-2.  Iha  Manaus, Brazilian Amazon

Total partisipante iha estudu: Partisipante (enrolled) 81.

Intervensaun (Experiment): Fo aimoruk CQ iha dosajem(dosage) forma rua: Dozé   aas konstitui husi CQ 600 mg kada oras 12 ba loron 10(12 g) ba pasiente  41, dozé  kiik CQ 450 mg kada oras 12 ba loron 5(2.7 g) ba pasiente 40.

Rezultadu: Pasiente sira ne’ebe simu CQ ho dozé (dosis) aas aprezenta problema cardíaco makaas liu pasiente ne’ebe simu dosis kiik.  Rasio fatalidade iha amostra estudu refere (iha loron 13)  mak   27% (95%CI=17.9-38.2%), número ida ne’e as liu rasio fatalidade iha estudu  balu  konaba pasiente ne’ebe la uza  CQ (95%CI=14.5-19.2%).

Mensajem Xave: Author sira iha estudu ne’e la rekomeda utilizasaun Chloroquina ho dozé aas(600 mg kada oras 12/loron, ba loron 10) ba pasiente COVID-19.

 2. Estados Unidos da America

 Titulu estudu: Retrospective cohort  analysis” Outcomes of hydroxychloroquine usage in United States veterans hospitalized with Covid-19”  M  Joseph,  N  Siddharth et al. (medRxiv, 4 2020). (5)

Objetivu estudu: Halo análiza ba outcome(mate ou nesedidade uza ventilator) iha  pasiente ne’ebe uza  Hidroxichloroquine.

Rezultadu estudu: estudu ne’e  halo ona evaluasaun ba dadus  total pasiente 386 COVID-19, husi númeru  ne’e fahe ba  tratamentu ho HC n=97, HC +azitromicin=113, la uza HC n=158.  Análiza hateten katak  rasio mate aas liu iha pasiente ne’ebe uza tratamentu ho aimoruk  hidroxichlorquine(HC) 27.8 %,  kompara ho  HC +azitromicin 22.1 %.  Entretantu  método rua ne’e (HC, HC +AZ) la redúz nesesidade atu uza ventilator. Iha rezultadu seluk númeru pasiente ne’ebe alta aas liu grupu ne’ebe la uza aimoruk HC 88.6 %, kompara ho sira ne’ebe uza 72.2 %.

Mensajem Xave: Autor sira sujere atu  refere ba rezultadu klinikal trial  antes atu  introduz HC ba protokolu tratamentu COVID-19.   

Konkluzaun

Husi estudu rua ne’e hatudu evidensia balu kona ba potensia CQ no HC iha tratamentu COVID-19, maibe hatudu mos rezultadu negativu balu asosia ho aimoruk refere hanesan problema , nune’e rekomenda ba klíniku sira atu halo revizaun ba rezultadu  estudu klinikal trial sira ne’ebe halao dadaun hela nune’e bele akumula evidensia diak liu tan.

References.

1.        Chloroquine phosphate | C18H32ClN3O8P2 - PubChem [Internet]. [cited 2020 Apr 25]. Available from: https://pubchem.ncbi.nlm.nih.gov/compound/Chloroquine-phosphate

2.        Therapeutic Options for COVID-19 Patients | CDC [Internet]. [cited 2020 Apr 25]. Available from: https://www.cdc.gov/coronavirus/2019-ncov/hcp/therapeutic-options.html

3.        Chloroquine and hydroxychloroquine: Current evidence for their effectiveness in treating COVID-19 - CEBM [Internet]. [cited 2020 Apr 25]. Available from: https://www.cebm.net/covid-19/chloroquine-and-hydroxychloroquine-current-evidence-for-their-effectiveness-in-treating-covid-19/

4.        Borba MGS, Val F de A, Sampaio VS, Alexandre MAA, Melo GC, Brito M, et al. Chloroquine diphosphate in two different dosages as adjunctive therapy of hospitalized patients with the severe respiratory syndrome in the context of coronavirus (SARS-CoV-2) infection: Preliminary safety results of a randomized, double-blinded, phase IIb clinical trial (CloroCovid-19 Study). medRxiv. 2020 Apr 16;2020.04.07.20056424.

5.        Magagnoli J, Narendran S, Pereira F, Cummings T, Hardin JW, Sutton SS, et al. Outcomes of hydroxychloroquine usage in United States veterans hospitalized with Covid-19. medRxiv. 2020 Apr 23;2020.04.16.20065920.

                                                                         

                                                                           
                                                                             

                                                                                      dr. Helder J. N. da Silva

Formadu iha Medisina Jeral UNTL

Iha tinan 2011. Hahu serbisu iha Sentru Saúde Soibada iha tinan 2012-2013,

Hospital Referal Baucau tinan 2013-2014

Outubro 2014 hahu serbisu iha MdS hanesan resposavel program Moras Kroniku.

Agora dadaun hala’o hela estudu mestradu implementation Research, International Public Health

Gadjah Mada University, Yogjakarta, Indonesia.

Email: helderjuvinal@gmail.com